குறிப்பாக: ஜாதகத்தை சரியாக கணித்து கூற வேண்டும். உதாரணமாக ஒரு பெண்ணுக்கு ஒரே நேரத்தில் இரண்டு (அல்லது) மூன்று குழந்தைகள் பிறந்து விடுவதுண்டு அப்படி பிறக்கும் குழந்தைகளுக்கு கை ரேகைகள் கவனித்தோமானால் வெவ்வேறு மாறுதல்களாக அமைந்து இருக்கும். இவை விதி பயனை மாறுபட்டு காட்டுவதாகவும். அனால் ஜாதகத்தில் அப்படி அமைவதில்லை காரணம் ஒரே நேரத்தில் ஒரே லக்னமாகவும் ஒரே நட்சத்திரமாகவும் ஒரே இரசியாகவும் ஒரே மாதிரியான ஆதிபத்தியங்கள் அமைந்திருக்கும். அதேபோல் ஒரு மாவட்டத்தில் நூறு குழந்தைகளுக்கு மேல் பிறப்பதுண்டு. அக் குழந்தைகள் ஒரே மாதிரியான இலக்னத்திலும் ஒரே மாதிரியான நட்சத்திரத்திலும் ஒரே மாதிரியான இராசியிலும் பிறக்கும். இது போன்ற அமைப்பில் உள்ள குழந்தைகளுக்கு ஒரே மாதிரியான பலன்கள் நடக்காது. காரணம் இரத்த பந்த மாறுபாட்டால் என்று அறிய வேண்டும். மற்றொரு வகையில் கவனிக்க வேண்டும். ஒரே ஊரில ஐம்பதுக்கும் மேற்பட்ட குழந்தைகள் பிறந்திருக்கும். அன்றைய நாளில் இரண்டு நட்சத்திரங்கள் மாறுபட்டு வரும் என்பதை அறிய வேண்டும். மேலும் ஒரு லக்னத்திற்கு இரண்டு மணிநேரம் என்ற அளவில் ஒரு நாளைக்கு பன்னிரண்டு இலக்னம் மாறுபட்டு வரும். இந்த லக்ன வித்தியாசத்தில் குணங்கள் மாறுபடும் . இவை எல்லாம் கவனிக்கும்பொழுது ஜாதகம் கணிப்பதில் சற்று சிரமமாகவே இருக்கச் செய்யும். மேலும் ஒரே நேரத்தில் வெவ்வேறு இடங்களில் இரண்டு குழந்தைகள் பிறக்கும்பொழுது எல்லாம் கிரக நிலவரங்கள் ஒன்றாகத்தான் இருக்கும். அனால் ஒரு குழந்தை வசதியுடன் வளர்ந்து வரும். மற்றொரு குழந்தை ஏழ்மையில் வளர்ந்து வரும் இந்த வித்தியாசங்களை நாம் அறிய வேண்டும்.